Yuxarı
    Bağlamaq

    İran, Rusiya, Yaponiya və Fransada "quş qripi" yayılıb

    İranda xəstəliyə yoluxmuş 513 min toyuq, Yaponiyada isə 165 min ördək öldürülüb

    Bakı. 30 noyabr. REPORT.AZ/ İranda H5N8 virusuna (“quş qripi”) yoluxan 500 min toyuq məhv edilib.

    “Report” "Haber7"yə istinadən xəbər verir ki, bunu İran Baytarlıq İdarəsinin sədri Mehdi Halaç deyib. 

    Onun sözlərinə görə, İranda 4 quşçuluq fabrikində xəstəlik aşkarlanıb: “Yüksək səviyyədə H5N8 virusu aşkar edildiyindən 513 min toyuq məhv edilib”.

    Məlumata görə, Rusiya və Yaponiya quşçuluq fabriklərində də "quş qripi" aşkarlanıb. Yaponiyada 310 min toyuq məhv edilmək üçün ayrılıb, 165 min ördək isə öldürülüb.

    Avropa İttifaqı ölkələrindən Fransanın quşçuluq təsərrüfatlarında bu virus təsbit edilib. Fransalı mütəxəssislər hesab edirlər ki, ölkədəki təsərrüfatlara bu yoluxucu xəstəlik xaricdən gələn quşlar vasitəsilə keçir. Ona görə də Fransada ölkəyə gətirilən quş və quş məhsullarına ciddi nəzarət etməyə başlayıblar. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi