Bakı. 22 avqust. REPORT.AZ/ İranın Raket Hücumundan Müdafiə (RHM) Qoşunları ölkənin qərbində - Kirmanşah əyaləti istiqamətində pilotsuz uçan kəşfiyyat aparatını vurub.
"Report" xəbər verir ki, bu haqda İRNA məlumat yayıb.
"Ölkənin qərbində aparatı aşkarlayaraq vurduq", - İran RHM Qoşunlarının Kirmanşah əyalətindəki komandiri Fərzad Ferudini bildirib.
Onun sözlərinə görə, bir ildə İranın hava sərhədi 12 dəfə pozulub. Komandir vurduqları pilotsuz təyyarənin mənsubiyyətinin bilinmədiyini də vurğulayıb.