Yuxarı

​İran Gürbulaq-Bazargan sərhəd-gömrük məntəqəsini açıb

Rəsmi Tehran həmin keçid məntəqəsi ilə Türkiyəyə buraxılışı dayandırmışdı

Bakı. 13 avqust. REPORT.AZ/ Türkiyə ilə İran arasında Gürbulaq-Bazargan sərhəd-gömrük məntəqəsi açılıb.

"Report" İran KİV-inə istinadən xəbər verir ki, bunu ölkənin yol, nəqliyyat və tranzit təşkilatının baş direktoru Məhəmmədcavad Ətirçian bilidirib.

Qeyd edək ki, İran həmin keçid məntəqəsi ilə Türkiyəyə buraxılışı dayandırmışdı.

Xatırladaq ki, avqustun 10-da İranın Xarici İşlər Nazirliyi ölkə vətəndaşlarını Türkiyəyə quru yolu ilə səfər etməkdən çəkinməyə çağırmışdı, nazirlik həmin müraciətində Türkiyənin şərqində baş verən bəzi hadisələrə görə qonşu ölkəyə quru yolu ilə deyil, təyyarələrlə səfər etməyi məsləhət görmüşdü.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi