Yuxarı
    Bağlamaq

    İran dəniz quldurlarının neft tankerinə hücumunu dəf edib

    Piratlar Bab-əl-Məndəb boğazında İranın neft tankerini ələ keçirməyə cəhd göstərib

    Bakı. 2 iyul. REPORT.AZ/ Bu gün səhər saatlarında Bab-əl-Məndəb boğazında İran Hərbi Dəniz Qüvvələrinə məxsus gəmilər dəniz quldurlarının neft tankerinə hücumunu dəf edib.

    "Report" "Tasnim" agentliyinə istinadən xəbər verir ki, təqribən 115 nəfərdən ibarət silahlı qrup 12 qayıqda İranın neft tankerini ələ keçirməyə cəhd göstərib.

    Hadisə yerinə vaxtında yetişən İranın Hərbi Dəniz Qüvvələrinin 41-ci eskadrası piratların cəhdlərinin uğursuzluqla yekunlaşmasına səbəb olub.

    Qeyd edək ki, eskadraya bu il may-iyun aylarından hərbi növbə çəkən və regional sularda təhlükəsizliyi qoruyan "Şahid Nakdi" minadaşıyan-dağıdıcı gəmi və "Lavan" gəmisi daxildir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi