Yuxarı

​İran AEBA müfəttişlərini hərbi obyektlərinə buraxmağa razılıq verib

Bunun üçün əlavə protokol qəbul edəcək

Bakı. 14 iyul. REPORT.AZ/ İran Atom Enerjisi üzrə Beynəlxalq Agentliyin (AEBA) mütəxəssislərinin nüvə proqramı üzrə anlaşma çərçivəsində hərbi bazalara "tənzimlənən girişi"nə imkan yaratmağa razılıq verib.

"Report" xəbər verir ki, bu haqda "France Press" məlumat yayıb.

Adı açıqlanmayan iranlı diplomat agentliyə bildirib ki, İranın hərbi obyektləri hər gələnə açıq deyil: "Bütün ölkələrin sirrini saxlamaq hüququ var. Ancaq İran nüvə proqramı üzrə razılaşmaya əsasən tənzimlənən giriş üçün əlavə protokol qəbul edəcək". 

Qeyd edək ki, İranın hərbi obyektlərinə AEBA müfəttişlərinin buraxılması "altılıq"la Tehran arasında müzakirələrin başlıca mövzularından biri idi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi