Yuxarı

İran ABŞ-ın onun daxili işlərinə qarışması ilə bağlı ittihamlarını rədd edib

İran ABŞ-ın onun daxili işlərinə qarışması ilə bağlı ittihamlarını rədd edib

Bakı. 21 oktyabr. REPORT.AZ/ İran ABŞ-ın Tehranın guya Vaşinqtonun daxili işlərinə müdaxilə etməsi ilə bağlı ittihamlarını rədd edib.

“Report” xəbər verir ki, bu barədə İslam Respublikasının Xarici İşlər Nazirliyinin rəsmi nümayəndəsi Bəhram Qasiminin bəyanatında deyilir.

"Ağ ev çoxdan konkret siyasi səbəblərə görə, digər ölkələri ittiham etmək istəyir və hər gün öz uydurulmuş siyahısına yeni ölkə adı əlavə edir", — deyə bəyanatda bildirilir.

Diplomat əlavə edib ki, bundan əvvəl Amerika prezidenti Donald Tramp iddia edirdi ki, "İranın başı öz daxili işlərinə qarışıb" və "o qədər zəifdir ki, hətta regional problemlər barədə də düşünə bilmir və yalnız sağ qalmaq haqqında düşünür".

"O zaman belə bir ölkə ABŞ-da parlament seçkilərinə necə müdaxilə edə bilər?" — deyə Qasimi sual edib.

Bundan əvvəl ABŞ Dövlət Departamenti İranı son 6 ildə terrorçuluğun maliyyələşdirilməsinə 16 milyard dollar xərcləməkdə ittiham edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi