Bakı. 24 noyabr. REPORT.AZ/ Rusiyanın İnquşetiya Respublikasının Nazran şəhərində keçirilən antiterror əməliyyatı nəticəsində 2 nəfər öldürülüb.
“Report” TASS-a istinadən xəbər verir ki, bunu İnquşetiyanın hüquq mühafizə orqanları bildirib.
Məlumata görə, antiterror əməliyyatı nəticəsində zərərsizləşdirilən şəxslərin gizli quldur dəstəsinin üzvləri olduğu ehtimal edilir.
Milli Antiterror Komitəsinin məlumatına görə, silahlılarla atışma nəticəsində Federal Təhlükəsizlik Xidmətinin (FTX) Xüsusi Təyinatlı Dəstəsinin iki əməkdaşı da həlak olub.