Həsən Ruhani: “ABŞ İranın Türkiyə, İraq və Azərbaycanla əlaqələrini zəiflədə bilməyəcək”

Bakı. 19 noyabr. REPORT.AZ/ "ABŞ hakimiyyəti İran xalqının qardaş Türkiyə, İraq və Azərbaycan xalqları və başqa ölkələrlə əlaqələrini zəiflədə bilməyəcək".

“Report” “THMHaber”ə istinadən xəbər verir ki, bunu İran Prezidenti Həsən Ruhani Qərbi Azərbaycan əyalətinin Xoy şəhərinə səfəri çərçivəsində bildirib.

O, İranın Azərbaycan, Türkiyə, İraq və başqa ölkələrlə əlaqələrinin gündən-günə daha da güclənəcəyini vurğulayıb: “Bu il də ötən il olduğu kimi, ərzaq məhsulları üçün bir dolları 4200 tüməndən alacağıq. Xalqın problemlə üz-üzə qalmasına icazə verməyəcəyik. ABŞ İran neftinin ixracını və qonşularla əlaqələrini kəsəcəyini zənn edirdi. Ancaq bu səhv addımında uğur qazanmadı”.