Yuxarı
    Bağlamaq

    HDP həmsədri barəsində ittiham aktı açıqlanıb

    Səlahəddin Dəmirtaş yaxın günlərdə hakim qarşısına çıxarılacaq

    Bakı. 31 yanvar. REPORT.AZ/ Türkiyədə Xalqların Demokratik Partiyasının (HDP) həmsədri Səlahəddin Dəmirtaş barəsində ittiham aktı açıqlanıb. 

    "Report" "Milliyet"ə istinadən xəbər verir ki, sənəddə Diyarbakır Prokurorluğunun apardığı isintaq tədbirləri çərçivəsində həbs olunan müxalif siyasi liderin 43 ildən 142 ilə qədər azadlıqdan məhrum edilməsi istənilir.  

    İttihamnamədə S.Dəmirtaşın PKK/KCK terror təşkilatının siyasi qanadından məsul şəxs olduğu, həmçinin DTK-da da rəhbər şəxs kimi fəaliyyət göstərdiyi qeyd edilib. 

    Sənəddə HDP həmsədrinə qarşı "Terror təşkilatını idarə etmək və onun təbliğatını aparmaq", "Yığıncaq və nümayişlər haqqında" qanunun əleyhinə çıxmaq, "Xalqı qanunlara əməl etməməyə təhrik etmək" və s. ittihamlar irəli sürülüb. 

    Xəbərdə həmçinin S.Dəmirtaşın yaxın günlərdə hakim qarşısına çıxarılacağı vurğulanıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi