Yuxarı

Gürcüstanın sabiq müdafiə naziri siyasətdən getmək qərarına gəlib

İrakli Alasaniya: Harada olmağımdan asılı olmayaraq, Gürcüstan əsgəri olmaqda davam edəcəm

Bakı. 10 oktyabr. REPORT.AZ/ "Azad demokratlar" müxalifət partiyasının lideri İrakli Alasaniya müvəqqəti olaraq siyasətdən getmək qərarına gəlib.

"Report" "Qruziya-Online" portalına istinadən xəbər verir ki, Gürcüstanın sabiq müdafiə naziri deputatlığa majoritar namizəd kimi qeydiyyatdan keçdiyi Qoridə parlament seçkilərinin ikinci turunda iştirakdan imtina edib.

"Harada olmağımdan asılı olmayaraq, Gürcüstan əsgəri olmağa davam edəcəm. Həm beynəlxalq, həm də yerli proseslərə qoşulmaqla dövlətlə, xalqla bir yerdə olacam. Bizi dəstəkləyənlərin hər birinə təşəkkür edirəm. Partiya yenilənmiş və daha yaxşı heyətlə yerli özünüidarəetmə orqanlarına keçiriləcək seçkilər üçün aktiv fəaliyyətini davam etdirir" - İ.Alasaniya deyib.

Gürcüstan Mərkəzi Seçki Komissiyasının ilkin məlumatlarına görə, İ.Alasaniya səsvermənin birinci turunda Qoridə seçicilərin 19,38% səsini qazanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi