Gürcüstan parlamentinin deputatı Aleksandre Erkvania hakim Gürcü Arzusu Partiyasının rəhbərlik etdiyi parlament çoxluğunu tərk edib.
“Report”un yerli bürosu xəbər verir ki, bu barədə deputat qanunverici orqanın plenar iclasında bildirib.
A.Erkvania bundan sonra müstəqil deputat kimi fəaliyyət göstərəcəyini vurğulayıb.
Qeyd edək ki, noyabrın 14-də Gürcüstan parlamentində proporsional seçki sisteminə keçidin dəstəklənməməsindən sonra bir neçə deputat parlament çoxluğundan çıxıb.