Bakı 23° C
https://static.report.az/photo/5e190e4f-b4e7-49bc-835b-a266bbbc6b03.jpg
Gürcüstanın müxalif “Rustavi 2” televiziya kanalının yeni sahibi, iş adamı Kibar Xalvaşi kanalın direktorunu dəyişib.
“Report”un Gürcüstan bürosu xəbər verir ki, biznesmen bu vəzifəyə vəkili Paata Salianı təyin edib.
Bu gün “Rustavi 2 yayım şirkəti” MMC-nin toplantısı keçirilib. Toplantının qərarı ilə Nika Qvaramia kanalın baş direktoru vəzifəsindən azad olunub.
*** 16:13
Gürcüstan nin İctimai Reyestri biznesmen Kibar Xalvaşini müxalif “Rustavi 2” televiziya kanalının sahibi kimi qeydiyyata alıb.
“Report”un Gürcüstan bürosu xəbər verir ki, qeydiyyat sənədinə əsasən, televiziyanın səhmlərinin 60%-i K.Xalvaşiyə, 40%-i isə “Panorama” MMC-yə məxsusdur.
*** 15:39
Biznesmen Kibar Xalvaşi Gürcüstan nin İctimai Reyestrinə müxalif “Rustavi 2” televiziya kanalının sahibi kimi qeydiyyata alınması ilə bağlı müraciət edib.
“Report”un Gürcüstan bürosu xəbər verir ki, müvafiq sənədi biznesmenin vəkili Paata Salia qeydiyyatdan keçirib.
Müraciətə əsasən, “Rustavi 2”nin səhmdarlarının paylarının dəyişdirilməsi tələb olunur.
Hazırda televiziyanın səhmdarları “Gürcüstan telekompaniyası” MMC (51%), Levan Karamanişvili (22%), Giorgi Karamanişvili (18%) və Nino Nijaradzedir (9%).
Avropa İnsan Hüquqları Məhkəməsinin bugünkü qərarı ilə “Rustavi 2”nin vəkillərinin Gürcüstan məhkəmələrinə qarşı iddialarının heç biri qəbul olunmayıb. Gürcüstanın Ali Məhkəməsi 2017-ci ilin martında iki aşağı instansiya məhkəməsinin teleşirkətin Kibar Xalvaşiyə verilməsi barədə qərarlarını qüvvədə saxlayıb.
“Rustavi 2” televiziyasının qərardan şikayət vermək hüququ var.
Kanalın baş direktoru Nika Qvaramia Avropa Məhkəməsinin qərarını ağlasığmaz adlandırıb. O, Ədliyyə Nazirliyindən Strasburq məhkəməsinin qərarından şikayət etmək müddəti başa çatmayana qədər “Rustavi 2”nin K.Xalvaşinin adına qeydiyyata almamağa çağırıb.
Qeyd edək ki, K.Xalvaşi 2004-2006-cı illərdə “Rustavi 2”nin sahibi olub. O, Gürcüstanın hazırkı hakimiyyətinə qarşı loyallığı ilə seçilir.
