Yuxarı

Gürcüstanın müdafiə naziri azərbaycanlı əsgərləri Novruz bayramı münasibətilə təbrik edib

​Gürcüstanın müdafiə naziri azərbaycanlı əsgərləri Novruz bayramı müna

Gürcüstanın müdafiə naziri Levan İzoria azərbaycanlı hərbçiləri Novruz bayramı münasibətilə təbrik edib.

“Report”un yerli bürosu xəbər verir ki, bu barədə Gürcüstanın Müdafiə Nazirliyi məlumat yayıb.

L.İzoria Müdafiə Qüvvələrinin Baş Qərargah rəhbəri, general-mayor Vladimir Çaçibaya ilə Marneulidə yerləşən aviasiya bazasına baş çəkib. Nazir azərbaycanlı əsgərləri Novruz bayramı münasibətilə şəxsən təbrik edərək onları şirniyyatlara qonaq edib.

Müdafiə naziri azərbaycanlı hərbçilərin valideynlərinə layiqli vətənpərvərlər kimi tərbiyələndirdiklərinə görə minnətdarlığını bildirib. O qeyd edib ki, Müdafiə Nazirliyi həqiqi hərbi xidməti başa vuran azərbaycanlı əsgərlərin istəyi olacağı təqdirdə, gələcək karyeraları üçün imkanların yaradılmasına hazırdır: “Biz etnik azlıqlardan olan əsgərlərin müdafiə qüvvələrində maksimal inkişafı, inteqrasiyası, gürcü dilini daha yaxşı bilmələri və professional inkişafları üçün hər bir şərait yaradırıq”.

L.İzorianın qərarı ilə Novruz bayramı ilə əlaqədar 21 və 22 mart müsəlman hərbçilər üçün istirahət günü elan olunub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi