Yuxarı

Gürcüstanın məşhur teleaparıcısı Tbilisi meri vəzifəsinə namizəd olub

Gürcüstanın məşhur teleaparıcısı Tbilisi meri vəzifəsinə namizəd olub
Mixail Saakaşvili Zaala Udumaşvilinin namizədliyini dəstəkləyib

Bakı. 26 iyun. REPORT.AZ/ Gürcüstanın keçmiş prezidenti Mixail Saakaşvilinin yaratdığı və lideri olduğu "Vahid Milli Hərəkət" Partiyası Tbilisi meri vəzifəsinə "Rustavi-2" televiziyasının məşhur aparıcısı, kanalın baş direktorunun müavini Zaala Udumaşvilinin namizədliyini irəli sürüb. 

"Report" "RİA Novosti"yə istinadən xəbər verir ki, hazırda Gürcüstanda müxalifətdə olan partiya Z.Udumaşvilinin seçkidə qalib gələcəyinə böyük ümid bəsləyir.  

O, namizəd olduqdan sonra Ukrayna paytaxtı Kiyevə gedib və orada M.Saakaşvili ilə görüşüb. Hazırda Ukrayna vətəndaşı olan və barəsində Gürcüstada cinayət işi başladılan, bu səbəbdən Tbilisiyə dönə bilməyən keçmiş prezident teleaparıcının namizədliyini tam dəstəkləyib. 

"Mən Tbilisinin xilası uğrunda mübarizəyə qoşuluram. Uzun illərdir ki, siz ölkədə baş verən hadisələr barədə mənim vasitəmlə məlumat alırsınız. İndi sizin səsinizi eşitmək vaxtı gəlib", - deyə Z.Udumaşvili seçicilərə ünvanlanan bəyanatında bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi