Yuxarı
    Bağlamaq

    ​Gürcüstanın Borçalı bölgəsinin kəndində bir gündə 40 ev yanıb

    Sakinlər: Yanğının miqyasının böyüməsinə səbəb yanğınsöndürən briqadanın hadisə yerinə gec gəlməsidir

    Bakı. 6 iyul. REPORT.AZ/ Gürcüstanın Kvemo-Kartli bölgəsinin (Borçalı) Qardabanı bələdiyyəsinin Kumisi kəndində 40-a yaxın ev yanıb.

    "Report" xəbər verir ki, bu haqda Gürcüstan KİV-i məlumat yayıb.

    Gürcüstan Daxili İşlər Nazirliyinin (DİN) Fövqəladə Hallar üzrə İdarəsinin direktoru Zviad Katsaşvili deyib ki, hadisə yerində 15 yanğınsöndürmə briqadası, 120 yanğınsöndürən-xilasedici, eləcə də DİN-in sərhəd polisinin vertolyotları cəlb edilib.

    Kənd sakinləri isə bildirib ki, yanğının miqyasının böyüməsinə səbəb yanğınsöndürən briqadanın hadisə yerinə gec gəlməsi olub.

    Yanğın bir evdən digərlərinə quru ot tayaları vasitəsi ilə keçib.

    Rəsmilər hadisə nəticəsində ölən və xəsarət alanın olmadığını bildiriblər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi