Yuxarı
    Bağlamaq

    ​Gürcüstan Baş Prokurorluğu Saakaşvilinin cinayət işini məhkəməyə verəcək

    Keçmiş prezident 4 məsələ üzrə ittiham olunur

    Bakı. 29 dekabr. REPORT.AZ/ Gürcüstan Baş Prokurorluğu yaxın günlərdə ölkənin keçmiş prezidenti Mixail Saakaşvilinin ittihamı ilə bağlı cinayət işini məhkəməyə təqdim edəcək.

    "Report" "İTAR TASS"a istinadən xəbər verir ki, bunu Gürcüstanın baş prokuroru Georgi Badalaşvili deyib.

    O qeyd edib, M.Saakaşviliyə bu ilin yayında 4 məsələ üzrə ittiham irəli sürülüb. Prokurorun sözlərinə görə, keçmiş prezident dövlət əmlakını mənimsəməkdə, dinc aksiya iştirakçılarına zor tətbiq etməkdə, "İmedi" televiziyasının binasına qanunsuz müdaxilə və iş adamı Badi Patarkatsişvilinin əmlakını qanunsuz yolla mənimsəməkdə, parlamentin deputatı Valeri Gelaşviliyə silahlı basqın təşkil etməkdə ittiham olunur.

    Xatırladaq ki, M.Saakaşvili 2013-cü ilin noyabrında Gürcüstanı tərk edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi