Yuxarı
    Bağlamaq

    Gürcüstanın baş naziri yerli gecə klublarının fəaliyyətinin araşdırılmasını tələb edib

    Gürcüstanın Daxili İşlər Nazirliyi məsələni araşdırmağa bağlayıb

    Tbilisi.11 yanvar. REPORT.AZ/ Gürcüstanın Baş naziri Georgi Kvirikaşvili gürcü kişilərin Tbilisinin mərkəzindəki bəzi gecə klublarına və barlara buraxılmamasından narahatdır.

    “Report”un Gürcüstan bürosu xəbər verir ki, baş nazir hökumətin yanvarın 11-də keçirilən iclasında Daxili İşlər Nazirliyinə məsələni araşdırmaq barədə tapşırıq verib.

    Baş nazir deyib ki, paytaxtın mərkəzindəki bəzi barlara və gecə klublarına qadınlar buraxılsalar da, yerli gürcü kişilər buraxılmırlar: "Həmin “istirahət məkanları"nda qanunazidd əməllərin baş verməsi barədə də məlumatlar dolaşır. Qanun hamı üçün eynidir və hamının hüquqları qanunla qorunur. Mən Daxili İşlər Nazirliyinə və digər əlaqədar təşkilatlara məsələni tez bir zamanda, dinc yolla, qanun çərçivəsində, heç bir reyd keçirmədən, zor tətbiq etmədən araşdırmağı tapşırmışam”.

    Qeyd edək ki, son bir neçə ay ərzində Tbilisinin mərkəzindəki bəzi barlarda və gecə klublarına, xüsusilə də Qızılgül meydanındakı gecə istirahət mərkəzlərinə yerli gürcü kişilər buraxılmırdı. Bu da müəyyən narazılıqlara səbəb olmuşdu. Eyni zamanda, həmin “istirahət məkanları"nda əxlaqa zidd əməllərin törədilməsi barədə məlumatlar dolaşırdı.

    Artıq Gürcüstan Daxili İşlər Nazirliyi məsələni araşdırmağa bağlayıb.

    Nazirlik məsələ ilə əlaqədar məlumat yayacağını bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi