Yuxarı

Gürcüstanın azərbaycanlılar yaşayan kəndində 200 nəfərin zəhərləndiyi restoran müvəqqəti bağlanılıb

Restoran sahibi Samir Qaracayev cərimələnib

Bakı. 31 avqust. REPORT.AZ/ Gürcüstan Milli Ərzaq Agentliyi Marneulidə (Kvemo Kartli) kütləvi zəhərlənmə baş verən restoranın fəaliyyətini dayandırıb.

"Report" Gürcüstan KİV-inə istinadən xəbər verir ki, bu barədə qurumun mətbuat xidmətindən məlumat veriblər.

Xatırladaq ki, Marneuli rayonunun əhalisinin 97%-ni azərbaycanlılar təşkil edən Sadıxlı kəndində keçirilən toy mərasimində 30-u uşaq olmaqla təxminən 200 nəfər zəhərlənib.

Gürcüstan Milli Ərzaq Agentliyinin məlumatına görə, restoran Samir Qaracayev adlı şəxsə məxsusdur. Restoranda aparılan yoxlama zamanı pozuntular aşkar edilib və bundan sonra S.Qaracayev cərimələnib, restoranın isə fəaliyyəti dayandırılıb.

İndi agentliyin mütəxəssisləri restoranında istifadə edilən məhsulların tədqiqatıyla məşğuldur.

Hazırda zəhərlənənlərin vəziyyəti sabitdir, onların əksəriyyəti müalicə kursunu evdə davam etdirir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi