Yuxarı

Gürcüstanın azərbaycanlı deputatları koronavirusla mübarizəyə ianə edəcəklər

​Gürcüstanın azərbaycanlı deputatları əmək haqlarından koronavirusla m

Gürcüstan hökuməti və parlament çoxluğunun hər bir üzvü növbəti üç ay üçün əməkhaqlarının 1/3-ni koronavirusla mübarizəyə dəstək fonduna ianə edəcəklər.

“Report”un yerli bürosu xəbər verir ki, bu barədə hakim Gürcü Arzusu Partiyasının icraçı katibi İrakli Kobaxidze bildirib.

O, partiyanın digər üzvlərinin də bu dəstəyə qoşulacaqlarına ümidvar olduğunu deyib: “Biz epidemiya ilə mübarizəyə əlavə töhfə verməyə hazırıq. Problemi minimal itkilərlə dəf etmək üçün həmrəylik həlledici silahdır”.

Gürcüstan parlamentinin deputatı Ruslan Hacıyev “Report”un yerli bürosuna açıqlamasında bu təşəbbüsə qoşulduğunu bildirib. O deyib ki, hakim partiya rəhbərliyinin koronavirusla mübarizəyə dəstək olmaq çağırışına çoxluqda təmsil olunan digər azərbaycanlı deputatlar - Savalan MirzəyevMahir Dərziyev də qoşulublar: “Gürcü həmkarlarımız kimi, biz də bu təşəbbüsü çox müsbət qarşıladıq və böyük məmnuniyyətlə dəstək olduq”.

Qeyd edək ki, qonşu ölkədə koronavirusla mübarizəyə dəstək fondu martın 24-də yaradılıb. Bu günə qədər fondda 21 039 092 lari (6,7 milyon ABŞ dolları) məbləğində pul toplanıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi