Gürcüstanın Azərbaycandakı səfirliyi humanitar aksiya keçirib

Gürcüstan hökumətinin tapşırığına əsasən, bu ölkənin Azərbaycandakı səfirliyi humanitar aksya təşkil edib.

“Report”un yerli bürosu xəbər verir ki, bu barədə Gürcüstanın Xarici İşlər Nazirliyindən bildirilib.

Azərbaycan Respublikasının Prezident Administrasiyası ilə razılaşdırılan aksiya gürcülərin sıx yaşadığı Qax, Zaqatala və Balakən rayonlarını əhatə edib.

Gürcüstanın Azərbaycandakı səfiri Zurab Pataradze Qax şəhərində poliklinika və Əlibəyli kəndindəki xəstəxanaya baş çəkib. Aksiya çərçivəsində Alatəmir, Əlibəyli və Kötüklü kəndlərində yaşayan çoxuşaqlı, sosial təminatsız ailələr və fiziki imkanları məhdud şəxslərə ilkin tələbat məhsulları və Gürcüstanda istehsal olunan sanitar-gigiyenik vasitələr təqdim olunub.