Gürcüstanda yeni biznes ombudsman təyin olunub

Gürcüstanın baş naziri Giorgi Qaxaria yeni biznes ombudsman təyin edib.

“Report”un yerli bürosu xəbər verir ki, bu vəzifəyə Mixeil Dauşvili təyinat alıb.

M.Dauşvili baş nazirin yanında İqtisadi Şuranın keçmiş hüquqşünasıdır.

O, yeni təyinata qədər Gürcüstan Daxili İşlər Nazirliyinin Məlumat-təhlil departamentinin direktor müavini vəzifəsini tutub.

Qeyd edək ki, qonşu ölkənin biznes ombudsmanı İrakli Lekvinadze və müavini Levan Kalandadze noyabrın 11-də istefa veriblər.