Gürcüstanın Kutaisi şəhərinin Avtomşenebeli küçəsində yerləşən yaşayış binalarının birində güclü partlayış baş verib.
“Report”un Gürcüstan bürosunun məlumatına görə, binanın ikinci mərtəbəsində qeydə alınan partlayış yanğına səbəb olub.
Hadisə yerinə yanğınsöndürənlər və təcili tibbi yardım maşınları cəlb olunub. Partlayış zamanı 7 nəfər xəsarət alıb, onlar xəstəxanaya yerləşdiriliblər.
Yaşayış binasındakı yanğın artıq lokallaşdırılıb.
Partlayışın səbəbləri hələ məlum deyil.
Hadisə ilə bağlı araşdırma aparılır.