Bakı. 30 dekabr. REPORT.AZ/ Gürcüstanın Telvi şəhərində polis idarəsinin həyətinə naməlum şəxsin soxularaq, nizamsız atəş açması nəticəsində bir polis əməkdaşı qətlə yetirilib, biri yaralanıb.
"Report" Gürcüstan KİV-inə istinadən xəbər verir ki, ölkənin Daxili İşlər Nazirliyi hadisəni təsdiqləyib.
Məlumata görə, polis idarəsinə basqın edən şəxs saxlanılıb.
Hadisə ilə bağlı əlavə informasiya yayılmayıb.