Gürcüstanda kömür şaxtasında qəza olub, 6 nəfər ölüb

Bakı. 5 aprel. REPORT.AZ/ Gürcüstanda daş kömür şaxtasında qəza baş verib.

"Report" Gürcüstan mətbuatına istinadən xəbər verir ki, qəza nəticəsində 6 nəfər ölüb. 

Hadisə İmereti bölgəsinin Tkibuli şaxtasında aprelin 5-də səhər saatlarında qeydə alınıb. İlkin məlumata əsasən, qəza şaxtada çoxlu hava kütləsinin toplanması nəticəsində baş verib.

Hadisə ilə bağlı cinayət işi başlanılıb, araşdırma aparılır.