Gürcüstanda “donuz qripi”ndən ölənlərin sayı 19-a çatıb

Tbilisi. 21 yanvar. REPORT.AZ/ Gürcüstanın Kutaisi şəhərində 32 yaşlı qadın “donuz qripi”ndən ölüb.

“Report”un Gürcüstan bürosu xəbər verir ki, qadının A (H1N1) virusundan ölməsi laboratoriya şəraitində təsdiq olunub.

Adı açıqlanmayan həmin qadının bu yaxınlarda ana olduğu bildirilir.

Beləliklə, qonşu ölkədə “donuz qripi”ndən ölənlərin sayı 19-a çatıb.