Bakı. 17 İyun. REPORT.AZ/ İyunun 14-nə keçən gecə Tbilisidə baş verən daşqınlar nəticəsində 19 nəfər həyatını itirib.
"Report" Gürcüstan mətbuatına istinadən xəbər verir ki, Təhlükəsizlik və Böhran Vəziyyətlərində İdarəetmə Şurasının son məlumatlarına görə, 17 nəfərin şəxsiyyəti müəyyənləşib, iki nəfərin kimliyinin tanınması istiqamətində iş aparılır.
"Cəsədlərdən biri "Mziuri" parkı ərazisində aşkar edilib, digərini isə Kür çayı Qardabani rayonuna aparıb. 6 nəfər itkin düşmüş hesab edilir", — deyə məlumatda bildirilir.