Yuxarı

Gürcüstanda azərbaycanlıların yaşadığı kəndin seçki məntəqəsində qarşıdurma baş verib

Gürcüstanda azərbaycanlıların yaşadığı kəndin seçki məntəqəsində qarşıdurma baş verib
© Foto: "Report"

Tbilisi. 28 noyabr. REPORT.AZ/ Gürcüstanda azərbaycanlıların sıx yaşadığı Marneuli rayonunun İmir kəndindəki 59 saylı seçki məntəqəsində səslərin sayılmasından sonra qarşıdurma baş verib.

“Report”un Gürcüstan bürosunun verdiyi xəbərə görə, müxalif Vahid Milli Hərəkat Partiyasının tərəfdarları seçki məntəqəsinin protokolunun hakim partiya nümayəndələri tərəfindən götürüldüyünü iddia edirlər.

Partiyanın üzvü, deputat Azər Süleymanov 59 saylı seçki məntəqəsində Vahid Milli Hərəkat Partiyasının namizədi Qriqol Vaşadzenin qalib gəldiyini deyib: “Hakim partiyanın nümayəndələri polis nəfərləri ilə birgə məntəqədən protokolu aparıblar. Sənəd qaytarılmayana qədər tərəfdarlarımız məntəqədən uzaqlaşmayacaq”.

Hazırda seçki məntəqəsi ətrafında Q.Vaşadzenin tərəfdarları toplanıb. Hadisə yerinə polis cəlb olunub. Müxalif partiya tərəfdarları və polis arasında mübahisə və qarşıdurma yaşanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi