Yuxarı

Gürcüstanda yeni Azərbaycandilli məktəbin inşası ilə bağlı tender elan olunub

​Gürcüstanda Azərbaycandilli məktəbin inşası üçün tender keçirilir

Gürcüstanın Laqodexi rayonunun azərbaycanlılar yaşayan Qabal kəndində yeni ictimai məktəbin tikintisi ilə bağlı tender elan olunub.

“Report”un Gürcüstan bürosu xəbər verir ki, Azərbaycandilli təhsil müəssisəsi 300 şagird üçün nəzərdə tutulub.

Gürcüstanın Bələdiyyələrin İnkişafı üzrə Fondun direktoru Giorgi Şengelia və Laqodexi rayonunun icra başçısı Condo Mdivnişvili Qabal kəndinə baş çəkiblər.

Qabal kəndində mövcud olan Azərbaycandilli ictimai məktəb qəzalı vəziyyətdədir. İnşa olunacaq yeni məktəb beynəlxalq standartlara cavab verəcək. Təhsil ocağının binası məhdud fiziki imkanlı şəxslər üçün də adaptasiya olunacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi