Yuxarı
    Bağlamaq

    Gürcüstanda antik şəhərin yeri tapılıb

    Arxeoloqlar, həmçinin tunc dövrünə aid kurqan aşkar ediblər

    Bakı. 11 yanvar. REPORT.AZ/ Gürcüstan arxeoloqları indiyədək məlum olmayan antik dövrlərə aid şəhərin yerini və tunc dövrünə aid kurqan aşkar ediblər.

    "Report" xəbər verir ki, bu barədə çərşənbə axşamı Gürcüstanın Mədəni İrsinin Milli Mühafizə Agentliyi məlumat yayıb.

    Məlumata görə, arxeoloji tapıntı Kotsaxura dağlarının şimal-şərqində, İvri çayı sahilində yerləşən Kaxeti diyarında üzə çıxıb.

    Şəhər yeri 2,5 hektar ərazidə yerləşir. Qədim yaşayış məskəni çiy kərpicdən tikilib.

    "Şəhər yerlə bir edilib və hazırda yalnız onun konturlarını ayırd etmək mümkündür", - deyə tədqiqatçılar bildiriblər.

    Dağıdılmış binaların divarlarının qalınlığı 1 və ya 1,2 metrdir, bəzi tikililər düzbucaqlı, digərləri isə girdə formaya malik olublar. Divarlarda güclü yanğının izəri, həmçinin gil suvaq qalıqları görünür.

    Aşkar edilən kurqanın hündürlüyü 20 metrə çatır. Onun diametri 115 metrdir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi