Yuxarı
    Bağlamaq

    Gürcüstanda 9 aprel faciəsi qurbanlarının xatirəsini anılıb

    Azərbaycanın Gürcüstandakı səfirliyi tərəfindən də abidə önünə əklil qoyulub

    Bakı. 9 aprel. REPORT.AZ/ Gürcüstan ictimaiyyəti 1989-cu il aprelin 9-da baş vermiş faciənin qurbanlarının xatirəsini anıb.

    "Report"un AZƏRTAC-a istinadən verdiyi xəbərə görə, Gürcüstan Prezidenti Georgi Marqvelaşvili, Baş nazir İrakli Qaribaşvili, dövlət və hökumət üzvləri, parlamentin deputatları, diplomatik korpusun əməkdaşları Tbilisidə parlamentin binası önündə 9 aprel qurbanlarının xatirəsinə ucaldılmış abidənin önünə əklil qoyub, gül dəstələri düzüblər.

    Azərbaycanın Gürcüstandakı səfirliyi tərəfindən də abidə önünə əklil qoyulub.

    Jurnalistlərə açıqlama verən Prezident və Baş nazir 9 aprel hadisəsini tarixi faciə, eyni zamanda, xalqın azadlıq, müstəqillik uğrunda mübarizəsinin simvolu adlandırıblar. Qeyd olunub ki, bu insanlar qəhrəmanlıq nümunəsi göstəriblər və onların azadlıq uğrunda mübarizəsi nəticəsində xalq öz müstəqilliyinə qovuşub.

    Qeyd edək ki, 1989-cu il aprelin 9-na keçən gecə keçmiş sovet ordusu Tbilisidə müstəqillik uğrunda mübarizəyə qalxan xalqın azadlıq arzusunu boğmağa cəhd göstərib. Mitinqin silah gücünə dağıdılması nəticəsində 16 nəfər həlak olub.

    Qarşıdurma zamanı yaralananlardan 3-ü sonradan xəstəxanada dünyasını dəyişib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi