Bakı. 6 iyul. REPORT.AZ/ Gürcüstan prezidenti Georgi Merqvelaşvili 170 məhbusun əfv edilməsi haqda fərman imzalayıb.
“Report” Gürcüstan KİV-inə istinadən xəbər verir ki, bunu Əfv Komissiyasının sədri Zviad Koridze bildirib.
Onun sözlərinə görə, əfv edilənlərdən 9-u qadındır: “Onların arasında yeniyetmələr də var”.
Zviad Koridze bildirib ki, 170 məhkumdan 120-si iyulun 6-da cəzaçəkmə müəssisəsini tərk edəcək, həbs müddətləri azaldılanlar isə cəzalarının qalan hissəsini çəkəcəklər.
Sədr komissiyanın 1073 məhkumun əfv edilməsi məsələsinə baxdığını deyib.