Gürcüstanda 10 aylıq körpə “donuz qripi”ndən ölüb

Tbilisi. 14 yanvar. REPORT.AZ/ Gürcüstanda A (H1N1) virusundan 10 aylıq körpə ölüb.

“Report”un Gürcüstan bürosunun verdiyi xəbərə görə, hadisə bir neçə gün əvvəl bölgələrdən birində qeydə alınıb.

Uşaqda qızılca xəstəliyinin olması onun vəziyyətini daha da ağırlaşdırıb.

Beləliklə, qonşu ölkədə “donuz qripi”ndən ölənlərin sayı 16 nəfərə çatıb.