Yuxarı

Gürcüstan və Rusiya arasında ixrac-idxal sel axını səbəbindən dayandırılıb

Yol 1 həftəyə bərpa olunmasa yüklər Azərbaycan ərazisindən daşınmalı olacaq

Bakı. 26 iyun. REPORT.AZ/ Dəryal dərəsində sel axını səbəbindən Rusiya və Gürcüstan arasında mal dövriyyəsi ilə əlaqədar ciddi problemlər yaranıb. Çünki bağlanan Hərbi-Gürcüstan yolu ölkələr arasında yeganə əlverişli yoldur.

"Report" xəbər verir ki, bu barədə gürcü KİV-nə istinadən "İnterfaks" məlumat yayıb.

Aksiz markalı mallar, məsələn sənədləşməyə görə sərhədi məhz "Kazbeqi-Yuxarı Lars" gömrük məntəqəsindən keçməlidir, ona görə, yolun açılmasını gözləmək lazımdır.

Gürcü ekspertlərin fikrincə, yol 1 həftəyə bərpa olunmasa, yük daşıyanlar min km artıq olmaqla alternativ yoldan – Azərbaycandan getməlidirlər. Mallar dəmir yolu vasitəsi ilə tədarük olunmaqdadır.

Hələ iyunun 23-də sel sularının yolun 1 km hissəsini yuyub apardığı, bərpa işlərinin isə başlamadığı bildirilib. Sərhədə 100-dən artıq yük maşını yığılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi