Yuxarı
    Bağlamaq

    ​Gürcüstan rəsmisi: "Rusiya ilə diplomatik münasibətlərin bərpasından danışmağa dəyməz"

    Zurab Abaşidze: Ərazi bütövlüyümüz təmin edilməyənədək Rusiya ilə diplomatik münasibətlər qaydasına düşməyəcək

    Bakı. 26 yanvar. REPORT.AZ/ "Gürcüstanın ərazi bütövlüyü bərpa edilməyənədək Rusiya ilə diplomatik münasibətlər qaydasına düşməyəcək".

    "Report" Gürcüstan KİV-inə istinadən xəbər verir ki, bunu Gürcüstan baş nazirinin Rusiya ilə danışıqlar üzrə xüsusi təmsilçisi Zurab Abaşidze yerli telekanalların birinə müsahibəsində deyib.

    "2008-ci ildə Rusiya ilə kəsilən diplomatik münasibətlərin bərpasından danışmağa dəyməz. Ancaq bu, müəyyən mərhələdə ola bilər. Bunu rusiyalı həmkarlarım da bilir", - deyə o vurğulayıb.

    Qeyd edək ki, Rusiyanın xarici işlər naziri Sergey Lavrov yanvarın 26-da keçirdiyi mətbuat konfransında Gürcüstan vətəndaşlarına vizasız rejimin tətbiqi ilə bağlı məsələyə münasibət bildirərəkən deyib: "Biz perspektivdə vizasız rejimi tətbiq etməyə hazırıq. Ancaq bu addımı diplomatik münasibət olmadığı halda atmaq qəribə olardı".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi