Yuxarı

Gürcüstan Ordusunda xidmət edən azərbaycanlı hərbçilərə iki günlük istirahət verilib

Bu, Gürcüstan baş nazirinin təşəbbüsü ilə baş tutub

Tbilisi. 11 sentyabr. REPORT. AZ/ Qurban bayramı ilə əlaqədar Gürcüstan Ordusunda xidmət edən azərbaycanlılar da daxil olmaqla bütün müsəlman hərbçilərə iki günlük istirahət verilib.

Bunu “Report”un Gürcüstan bürosuna açıqlamasında Gürcüstan Müsəlmanları İdarəsinin müftisi Bekler Kamaşidze deyib.

Müfti bildirib ki, Gürcüstanın baş naziri Qurban bayramı münasibəti ilə orduda İslam dininə etiqad edən hərbçilərin iki gün müddətinə xidmətdən azad edilməsi barədə Müdafiə Nazirliyi qarşısında təşəbbüslə çıxış edib.

“Nazirlik bu təşəbbüsü müsbət qarşılayıb və Gürcüstanın müdafiə nazirinin əmri ilə İslam dininə etiqad edən bütün əsgərlər iki günlüyünə hərbi xidmətdən azad ediliblər”, - deyə Kamaşidze vurğulayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi