Yuxarı
    Bağlamaq

    Gürcüstan Müdafiə Nazirliyinin 2 mindən çox əməkdaşı işdən çıxarılıb

    Nazirlikdə aparılan islahat nəticəsində 11,8 milyon dollar məbləğində maliyyə vəsaitinə qənaət edilib

    Bakı. 30 yanvar. REPORT.AZ/ Gürcüstan Müdafiə Nazirliyindən 2 250 nəfər işdən azad edilib.

    “Report” Gürcüstan KİV-inə istinadən xəbər verir ki, bu, nazirliyin kadrların optimallaşdırılması və yenidən təşkilatlanması tədbirləri çərçivəsində həyata keçirilir.

    Məlumata görə, belə bir tədbirin keçiriləcəy ilə bağlı müdafiə naziri Levan İzoriya ötən ilin noyabrında bildirib. Nazirlikdə islahatlar ötən il dekabrın 19-dan başlayıb.

    Xəbərdə bildirilib ki, yenidən təşkilatlanma çərçivəsində 400 ştatdankənar, 1 350 ştatlı əməkdaş işdən azad edilib. Bundan başqa, 217 zabit, 123 çavuş vəzifəsindən kənarlaşdırılıb. Eyni zamanda, 217 zabitin 209-u öz istəyi ilə işdən çıxarılıb.

    Ümumilikdə nazirlikdə aparılan islahat nəticəsində 11,8 milyon dollar məbləğində maliyyə vəsaitinə qənaət edilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi