Gürcüstan Milli Bankı hərraca 40 mln. dollar çıxaracaq

Gürcüstan Milli Bankı sentyabrın 27-də valyuta hərracına 40 mln. ABŞ dolları çıxaracaq.

“Report”un Gürcüstan bürosu xəbər verir ki, bu barədə bank məlumat yayıb.

Milli Bank ölkədə qiymətlərin sabit saxlanılması üçün mümkün alətlərdən davamlı olaraq istifadə edəcəyini bildirib.

Milli Bankın sentyabrın 27-nə müəyyən etdiyi məzənnəyə əsasən, 1 ABŞ dolları 2,9808 lari təşkil edəcək. Günlük müqayisədə xarici valyuta 0,071 lari bahalaşıb.