Yuxarı

Gürcüstan hökuməti adından mətbuata saxta sənəd yayılıb

​Gürcüstan hökuməti adından mətbuata saxta sənəd yayıldı

“Gürcüstan hökuməti adından KİV-in elektron ünvanlarına saxta sənədlərin göndərilməsi hökumətin nüfuzdan salınması və təxribat məqsədi güdüb”.

“Report”un yerli bürosu xəbər verir ki, bu barədə Gürcüstan baş nazirinin Mətbuat xidmətinin yaydığı bəyanatda bildirilib.

Bəyanatda qeyd olunub ki, avqustun 19-da media qurumları elektron ünvanlarına təbiətin mühafizəsi sahəsində islahatlar barədə saxta sənəd alıblar: “Göründüyü kimi, bu hərəkət hökuməti nüfuzdan salmaq və təxribat məqsədlərinə xidmət edib. Təəssüflər olsun ki, bəzi media qurumları bu təxribata uyub”.

Sənəddə vurğulanıb ki, Gürcüstan baş nazirinin mətbuat xidmətinin elektron poçtu pressoffice@gov.ge ünvanında yerləşir. Mətbuat xidməti medianı yalnız bu ünvandan daxil olan məlumatlara etibar etməyə və saxta sənədlərə aldanaraq yanlış informasiyaların yayılmasına yol verməməyə çağırıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi