Güclü qar səbəbindən Türkiyənin bir sıra vilayətində təhsilə ara verilib

Bakı. 18 fevral. REPORT.AZ/ Kəskin hava şəraiti ilə əlaqədar Türkiyənin bir sıra vilayətində təhsilə ara verilib.

"Report" Anadolu Agentliyinə istinadla xəbər verir ki, güclü qar Balıkesir, Yozgat, Konya və Düzcə vilayətlərində həyatı iflic edib. Hava şəraiti ilə əlaqədar bu rayonların məktəblərində bir günlük tətil elan edilib.

Türk Hava Yolları daxili və xarici reyslərdə 80-dən artıq səfəri ləğv edib.