Yuxarı

​Güclü dolu və leysan Gürcüstanın bəzi rayonlarına ciddi ziyan vurub

Onlarla kənddə min hektarla əkin sahəsi su altında qalıb

Bakı. 5 iyun. REPORT.AZ/ Güclü dolu və leysan yağışları Gürcüstanın Siqnaq, Kvarelsk rayonlarına ciddi ziyan vurub.

"Report"un məlumatına görə, bu haqda yerli hakimiyyət orqanlarının nümayəndələri jurnalistlərə xəbər verib. 

Məlumata görə, təbii fəlakət nəticəsində şərq regionundakı rayonların onlarla kəndində min hektarla əkin sahəsi su altında qalıb. Kənd təsərrüfatı məhsullarının bir hissəsi, o cümlədən üzüm bağları məhv olub.

Təbii fəlakətin vurduğu ziyanın hesablanması üçün xüsusi komissiya yaradılıb.

Yerli hakimiyyət orqanlarının zərər çəkmiş ailələrə hərtərəfli yardım göstərəcəyi bildirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi