Yuxarı
    Bağlamaq

    GUAM-ın Cinayətkarlığa qarşı mübarizə üzrə İşçi Qrupu gələn il üçün iş planını müzakirə edib

    Kiyevdə nazirlik və idarə rəhbərlərinin müavinləri səviyyəsində İşçi Qrupun 18-ci iclası baş tutub

    Bakı. 11 dekabr. REPORT.AZ/ Demokratiya və İqtisadi İnkişaf naminə Təşkilatın - GUAM-ın Kiyevdəki katibliyində nazirlik və idarə rəhbərlərinin müavinləri səviyyəsində Cinayətkarlığa qarşı mübarizənin koordinasiyası məsələləri üzrə İşçi Qrupun 18-ci iclası baş tutub. "Report" təşkilatın mətbuat xidmətinə istinadən xəbər verir ki, toplantıda GUAM-a üzv dövlətlərin nümayəndələri iştirak ediblər.

    Nümayəndə heyətləri təşkilatın 2015-ci ildə gördüyü işlərə dair hesabatı nəzərdən keçirərək qəbul edib, eləcə də 2016-cı il üçün iş planını müzakirə edib. İclas iştirakçıları İşçi Qrupun əlaqələndiricisi olan ölkənin və əlaqədar altqrupların funksiyalarının növbəti il üçün də dəyişməz qalmasını qərara alıb.

    İşçi Qrupun növbəti iclası 2016-cı ilin noyabr-dekabr aylarında keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi