Yuxarı

GUAM baş katibi təşkilatın Hindistan və İranla əməkdaşlıq məsələlərini müzakirə edib

GUAM regionu Avropanı Asiya ilə birləşdirən alternativ nəqliyyat-tranzit dəhlizi kimi daha cəlbedici olmağa başlayır

Bakı. 12 aprel. REPORT.AZ/ GUAM baş katibi Altay Əfəndiyev Ukrayna paytaxtı Kiyevdə Hindistanın bu ölkədəki səfiri M.K.Bharti ilə görüşüb.

"Report" GUAM-ın saytına istinadən xəbər verir ki, görüş zamanı GUAM regionunun Avropanı Asiya ilə birləşdirən alternativ nəqliyyat-tranzit dəhlizi kimi daha cəlbedici olmağa başlaması qeyd olunub. Eyni zamanda İranın da GUAM nəqliyyat infrastrukturuna qoşulmasıyla Hindistan üçün də yeni imkanların açılması vurğulanıb.

Bununla əlaqədar Hindistanın hazırda İranda Ərəb dənizi və Hind okeanına çıxışı olan dəniz limanının müasirləşdirilməsi və inkişafına sərmayə yatırmasına diqqət yetirilib.

Görüş zamanı tərəflər həm də GUAM regionundakı cari vəziyyətlə bağlı müzakirələr aparıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi