Yuxarı
    Bağlamaq

    ​Ermənistanda deputatın kürəkəni 6 il yarım azadlıqdan məhrum edilib

    Samvel Ovanisyan: Hakimlər özlərini burnu sulu kimi apardılar, çünki kisələrlə pul alıblar

    Bakı. 22 oktyabr. REPORT.AZ/ Ermənistan parlamentinin deputatı Karo Karapetyanın kürəkəni Qor Arakelyan 6 il yarım azadlıqdan məhrum edilib.

    "Report" Ermənistan KİV-inə istinadən xəbər verir ki, o, Valerik Ovanisyan və Nerses Melkonyanla etdiyi mübahisə zamanı odlu silahdan atəş açıb. Atəş nəticəsində Q.Arakelyan V.Ovanisyanı, N.Melkonyanı və daha 3 nəfəri yaralayıb. Deputatın kürəkəni özünün "Toyota Landcruiser" avtomobili ilə dayancaqdan çıxanda Valerik Ovanisyan və Nerses Melkonyan yolu bağlayıb. Nəticədə tıxac yaranıb. Avtomobillərdən düşənlər mübahisə edib. 

    Prokuror Qor Arakelyana 9 il həbs istəsə də, məhkəmə onun 6,5 il azadlıqdan məhrum edilməsi haqda hökm çıxarıb.

    Dava-dalaş saldıqları üçün Valerik Ovanisyan və Nerses Melkonyan isə uyğun olaraq 3 və 2 il müddətinə azadlıqdan məhrum ediliblər.

    Valerik Ovanisyanın atası Samvel Ovanisyan məhkəmənin qərarına etiraz edərək deyib: "Hakimlər özlərini burnu sulu kimi apardılar. Çünki kisələrlə pul alıblar".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi