​Ermənistan əsgəri döyüş postunda öldürülüb

Bakı. 19 avqust. REPORT.AZ/ Ermənistan Silahlı Qüvvələrinin 25 yaşlı əsgəri Aşot Ovannisyan döyüş postunda odlu silahdan açılan atəşlə öldürülüb.

"Report" Ermənistan KİV-inə istinadən xəbər verir ki, bu haqda ölkənin İstintaq Komitəsinin mətbuat xidməti məlumat yayıb.

Məlumatda bildirilib ki, müddətli hərbi xidmətdə olan əsgərin öldürülməsi ilə nəticələnən hadisə avqustun 18-də saat 23.40-da baş verib.

Hadisə ilə bağlı cinayət işi açılıb.