Ermənistanın müdafiə naziri İrana gedir

Bakı. 29 yanvar. REPORT.AZ/ Ermənistanın müdafiə naziri Vigen Sarqisyan İrana səfər edəcək.

"Report" xəbər verir ki, bu barədə məlumatlı mənbəyə istinadən İRNA xəbər yayıb.

Məlumata görə, səfər zamanı iki dövlətin müdafiə nazirləri arasında danışıqlar aparılacaq. Sarqsyanın səfəri yanvarın 30-na nəzərdə tutulub.

"Sarqsyanın səfər etməsində əsas məqsəd İran və Ermənistan arasında müdafiə sahəsində məsləhətləşmələrin davam etdirilməsidir. Gündəlikdə Tehran və İrəvan arasında ikitərəfli və regional əlaqələrin möhkəmləndirilməsi də var", - deyə mənbə əlavə edib.