Ermənistanın hərbi rəsmisi: “Rusiyadan böyük partiyada zenit-raket kompleksi almışıq”

Bakı. 17 noyabr. REPORT.AZ/ “Bu il Ermənistan Rusiyadan böyük partiyada “İqla” və “İqla-Super” zenit raket kompleksi alıb”.

“Report” xəbər verir ki, bunu Ermənistan Müdafiə Nazirliyi Hərbi Hava Qüvvələrinin Hava Hücumundan müdafiə qoşunu rəisinin müavini, polkovnik Artur Poqosyan “Armyanskiy soldat” nəşrinə müsahibəsində bildirib.

Rəis müavini qeyd edib ki, bu komplekslər təzədir və uzun illər xidmətə yararlı olacaq.