Ermənistanın bütün nazirliklərində azı 20 faiz ixtisar olacaq

Bakı. 2 dekabr. REPORT.AZ/ Ermənistanın bütün nazirliklərində azı 20 faiz kadr ixtisarına hazırlıq işləri görülür.

”Report” “Yamanak” qəzetinə istinadən xəbər verir ki, bunu Ermənistan baş naziri Karen Karapetyan bildirib.

İnformasiyaya əsasən, ekologiya naziri Artsavik Minasyan deyib ki, başçılıq etdiyi nazirlikdə ixtisar edilən kadrların sayı 22 faizə çatacaq.

Məlumata görə, ixtisarlar Müdafiə Nazirliyi, polis idarəsi və Milli Təhlükəsizlik Xidmətinə təsir etməyəcək.