Yuxarı

​Ermənistanda "sükut günü"dür

Referendumu yalnız MDB dövlətlərindən olan beynəlxalq müşahidəçilər izləyəcək

Bakı. 5 dekabr. REPORT.AZ/ Bu gün Ermənistanda konstitusiya islahatı ilə bağlı keçiriləcək referendum öncəsi "sükut günüdür".

"Report" xəbər verir ki, bu haqda Ermənistan KİV-i məlumat yayıb.

Məlumata görə, Ermənistanın əyalətlərində və Yerevanda referendumun keçirilməsi ilə bağlı 1997 seçki məntəqəsi təşkil edilib.

Referendumu yalnız MDB dövlətlərindən olan beynəlxalq müşahidəçilər izləyəcək.

Yeni konstitusiya layihəsində prezidentin səlahiyyətlərinin azaldılması, 7 il müddətinə parlament tərəfindən seçilməsi də nəzərdə tutulub.

Ölkə müxalifəti konstitusiya islahatı ilə bağlı referendumun keçirilməsinə etiraz edir.

Məlumata görə, dekabrın 6-da Yerevanın Azadlıq meydanında "Yeni Ermənistan" Milli Qurtuluş Cəbhəsi etiraz aksiyası keçirməyi planlaşdırıb.

Qeyd edək ki, dekabrın 6-da Ermənistanda referendum keçiriləcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi