Bakı. 8 avqust. REPORT.AZ/ Rusiyanın Kemerovo vilayətinin məhkəmə pristavları ölkə ərazisində qeyri-qanuni yaşayan üç əcnəbini ölkələrinə deportasiya ediblər.
"Report" Rusiya mətbuatına istinadən xəbər verir ki, onlardan biri erməni ordusunda xidmət etməkdən boyun qaçırdığı üçün axtarışda olan şəxsdir.
Məhkəmə Pristavları Federal Xidmətinin Kuzbass üzrə İdarəsinin məlumatına görə, ötən cümə axşamı Ermənistan, Azərbaycan və Ukrayna vətəndaşı öz ölkələrinə göndərilib. Onların heç birinin Rusiya ərazisində qalma və ya yaşama hüququ verən sənədi olmayıb.