Ermənistanda Çin vətəndaşına qarşı zorakılıq edən yerli sakinə hökm oxunub

Bakı. 4 aprel. REPORT.AZ/ Ermənistanda Çin vətəndaşına qarşı zorakılıq edən yerli sakinə hökm oxunub.

"Report" xəbər verir ki, bu barədə "News.am" məlumat yayıb.

Məlumata görə, Ararat və Vayoç Dzor vilayətləri üzrə ümumi məhkəmə Haçik Terteryanı müqəssir kimi tanıyıb. O, məhkəmənin hökmü ilə 3 il 3 ay azadlıqdan məhrum olunub.

Yerli mətbuatın məlumatına görə, hadisə 2017-ci ilin 1 oktyabrında baş verib. Erməni H. Terteryan Çin vətəndaşına qarşı seksual zorakılıq etməklə yanaşı, onu döyüb. Qadın cinayətkara qarşı müqavimət göstərmək istəsə də, buna nail ola bilməyib. 

Müttəhim təqsirini etiraf edib.